azerifood.com

Piti

Bu milli azərbaycan şorbasıdır. Adətən onun xüsusi gil qablarda və xüsusi sobalarda bişirirlər. Nəzərə alsaq ki yaşadığımız dövrdə belə sobalar yoxdur, idni pitini biz adi qazanda və qazın üstündə bişiririk. Amma Şəkidə olarkən mənə əsl pitinin dadını dadmaq nəsib oldu. Orada biz bir restoranda olduq ki, hazırlanan piti bütün Azərbaycanda məşhur idi. Və sizə deyim ki, o pitinin ləzzəti indiyədək yadımdadır. O dərəcədə dadlı idi ki, mən noxudu xoşlamayan, hətta onu da yedim və piti bardaqı tamamiylə boş idi. Süfrəyə pitini bardaqda gətirirdilər, sonra biz pitini bardaqdan boşqaba boşaldıb təzə soğan, göyərti və şoraba ilə yeyirdik. Bu təkrarolunmaz bir ləzzət idi. Bardaqda piti beləcədir. Şəkil azerifood.com üçün hüsusi çəkilmişdir.

Baxmayaraq ki, evdə hazırlanmış piti fərqlidir, amma onu da mən xoşlayıram. Təəssüflər olsun ki, mən pitini az-az bişirirəm, çünki evdıkilər hamı xoşlamır.

Piti üçün

Qoyun əti (sümüklü və yağlı) bir porsiya üçün 1 parça

Kartof 1 böyük 1 porsiya üçün

Noxud

1 baş soğan

Tomat pastası

Alça

Sarıkök

Duz, istiot

Axşamdan noxud soyuq suda istadılır. Səhər yarımçıq bişirin. Əti yuyub qazanın içinə qoyun və su tökün. Su ətin üstünədək olmalıdır. Bir baş təmizlənmiş soğan atın və orta otda bişirin. Köpüyünü yığın, şorba şəffaf omlaıdır. Qoyun ətini bir saata yaxın bişirinç duz əlavə edin, ətin bişməyini çəngəllə yoxlayın. Ət bişəndən sonra baş soğanı çixarıb atın. Soğan onun üçün atılır ki, qoyun ətinin qoxusunu özunə çəksin. Karotfu təmizləyib şorbaya salın, bir az sarıkök, noxud və alçany əlavə edin. Kartof bişərkən yarım xörək qaşığı tomat pastası ya xırda doöranmış pomidor tökün. 5.10 dəqiqə bişirin. Hazır pitini süfrəyə lavaş ya çörək və, əlbəttə ki, şoraba ilə gətirin.

Nuş olsun!