Qatlar üçün ərinmiş yağ

Bu növ çudunun bişirilmə texnologiyası şor qoqalı ilə eynidir. Əti əvvəldən bişirin və ət maşınından ya blenderdan keçirin. Soğanı xırda doğrayıb qızılı rəngə düşüncə qızardın. Əti soğanla qarışdırın, duz və istiot əlavə edin. Bu kütləyə başqa heç bir şey əlavə olunmur.

İlıq suyu maya ilə qarışdırın, şəkər, duz və un əlavə edin. Qatı xama konsistensiyası alınmalıdır, oladiya xəmiri kimi. İsti yerə qoyun və vaxtaşırı qarışdırın. Kutlə qalxıb həcmi bir necə dəfə artmalıdır.

Qaba un töküb, ortasında çökək düzəldin. Malayanmış kütləni çökəyə töküb xəmiri qarışdırın. Xəmir nə çox bərk, nə yumşaq olmalıdır. Xəmiri 50 gr kündələrə bölüb, üstünü dəsmalla örtərək 5 dəqiqə saxlayın. Kündələr qurumamaq üçün üstünə selofan da salmaq olar.

Hər kündəni 1-2 mm qalınlığında yayın. Yayılmış kündələrin arasını yaqlayın. Sonuncuya yağ vurmayın. Laylar nə qədər çox olsa, o qədər yaxşıdır.

Kökənin üstündə istəkanla dairələr kəsin.

Hər dairənin içinə qiymə qoyub hörün, şəkərburada olduğu kimi. Əlbətdə, hörmək (burmaq) o qədər də asan deyil və şəkərbura kimi qəşəng çıxmayacaq.

Maksimal isti yağda cudunu qızardın. Diqqət, diqqət! Frityurnitsadan istifadə etməyin. O, çuduları korlayar. Mən ondan istifadə etmişəm və çudular korlanıblar.

Qızarılmış çuduların üzərini sumaqlayın. Süfrəyə verərkən, zövqdən asılı olaraq üstünə şəkər tozu (pudra) səpə bilərsiniz. Çudu süfrəyə soyuq verilir.

Nuş olsun!